सातपुडा पर्वताच्या पायथ्या जवळचे सावखेडा सिम या गावाचा पेसा अंतर्गत समावेश व्हावा या मागणीसाठी आदिवासी समाजाचे आंदोलन

जळगाव यावल । तालुक्यातील सातपुडा पर्वताच्या पायथ्याशी असलेल्या आदिवासी समाज बांधवांचे सावखेडा सिम या गावाचा गेल्या अनेक वर्षापासून पेसा अंतर्गत समावेश न झाल्याने प्रचंड नाराज असलेल्या शेकडो आदिवासी बांधवांनी संघर्ष मोर्चाच्या अध्यक्ष प्रतिभा शिंदे यांच्या मार्गदर्शनाखाली एकात्मिक आदिवासी विकास प्रकल्य कार्यालयावर मोर्चा काढून आंदोलन केले . यावल तालूक्यातील सावखेडा सिम हे आदिवासी गाव शासनाच्या नियमानुसार व लोकसंख्येच्या आधारावर पेसा अनुसुचितच्या सुची अंतर्गत येत असतांना ही या गावाचा पेसात समावेश न झाल्याने या गाव शिवारात राहणाऱ्या शेकडोआदिवासी बांधवांंना शासनाच्या मिळणाऱ्या अनेक योजनांपासुन वंचित राहावे लागत असल्याने , दरम्यान सावखेडा सिम या ग्रूप ग्रामपंचायत अंतर्गत येणाऱ्या गावातील असंख्य आदिवासी समाज बांधवांनी दिनांक २४ मार्च रोजी यावल पंचायत समितीच्या कार्यालय परिसरातुन संघटीत होवुन यावलच्या एकात्मिक आदिवासी विकास प्रकल्प कार्यालयावर आदिवासींच्या नेत्या प्रतिभा शिंदे यांच्या प्रमुख मार्गदर्शनाखाली व आदिवासी तडवी भिल एकता मंचचे, महाराष्ट्र प्रदेश अध्यक्ष एम बी तडवी आणि शेकडोआदिवासी बांधावांंनी मागण्यासाठी सुमारे सहा तास आंदोलन केले. दरम्यान प्रकल्प आधिकारी अरूण पवार हे आंदोलनास्थळी आल्याशिवाय आंदोलन थांबणार नाही असा पवित्रा घेतल्याने अखेर प्रकल्प अधिकारी अरूण पवार यांनी आंदोलना ठीकाणी तरूण आंदोलनकर्त्यांशी त्यांच्या मागण्याविषयी संवाद साधुन सविस्तर माहीती घेत सावखेडा सिम या गावास पेसात घेण्याविषयी राज्य शासनाकडे आपल्या मागणीचा योग्यरित्या पाठपुरावा करण्यात येत असल्याची माहिती या वेळी आंदोलनकर्त्यांना दिली .