दिल्लीच्या सत्ताकेंद्रात अचानक घडामोडींचा विस्फोट! – पंतप्रधान आणि गृहमंत्र्यांच्या राष्ट्रपतींशी सलग भेटींमुळे राजकीय वर्तुळात खळबळ

नवी दिल्ली  येथील संसदेचे पावसाळी अधिवेशन सुरू असतानाच देशाच्या राजकारणात एक अनपेक्षित आणि गूढ घडामोड घडली आहे. रविवारी सकाळी देशाच्या सत्ताकेंद्रात झालेल्या सलग भेटींमुळे संपूर्ण राजकीय वातावरणात तीव्र चर्चा आणि तर्क-वितर्कांचा भडका उडालाय.

पंतप्रधान नरेंद्र मोदी यांनी सकाळी राष्ट्रपती द्रौपदी मुर्मू यांची राष्ट्रपती भवनात भेट घेतली, आणि या भेटीनंतर अवघ्या चार तासांतच केंद्रीय गृहमंत्री अमित शहा देखील राष्ट्रपती भवनात दाखल झाले. या सलग भेटींमुळे राजधानी दिल्लीतील राजकीय वर्तुळात प्रचंड खळबळ माजली आहे.

एकाच दिवशी दोन वरिष्ठ नेत्यांच्या राष्ट्रपती भेटी – योगायोग की धोरणात्मक हालचाल?

सामान्यतः अशा भेटी औपचारिक किंवा ठराविक निमित्तानेच होतात. मात्र आजच्या भेटी ना कोणताही आधी जाहीर कार्यक्रम होता, ना अधिकृत कारण. त्यातही पंतप्रधान आणि गृहमंत्री या दोघांची भेट काही तासांच्या फरकाने राष्ट्रपतींशी होणं हे अत्यंत असामान्य मानलं जात आहे.

यामुळे राजकीय निरीक्षकांच्या चर्चांना उधाण आलं आहे. सरकारकडून काही मोठा निर्णय घेण्यात येणार असल्याची शक्यता व्यक्त केली जात आहे.

संसदेच्या पार्श्वभूमीवर मोठ्या राजकीय हालचालीची शक्यता

संसदेचे पावसाळी अधिवेशन सध्या सुरू आहे आणि बिहारमधील SIR (Special Investigation Report) प्रकरणावरून विरोधकांनी संसदेचे कामकाज ठप्प केलं आहे. या पार्श्वभूमीवर पंतप्रधान आणि गृहमंत्र्यांची राष्ट्रपतींशी सुसंवाद साधणं, हे केंद्र सरकारच्या काही रणनीतिक निर्णयांचं संकेत देत असल्याची शक्यता आहे.

तसेच, उपराष्ट्रपती जगदीप धनखड यांच्या पदासंदर्भात कोणता मोठा बदल किंवा राजीनामा येणार का?, असा देखील प्रश्न चर्चेला आला आहे. काही विश्लेषकांचे म्हणणे आहे की, संसदेच्या कामकाजात मोठा धोरणात्मक बदल किंवा नवीन विधेयक सादर करण्यापूर्वी राष्ट्रपतींची मंजुरी घेण्याच्या दृष्टीने या भेटी झाल्या असाव्यात.

या महत्त्वपूर्ण घडामोडींवर सरकारकडून अद्याप कोणतेही अधिकृत स्पष्टीकरण देण्यात आलेले नाही.

मात्र या गुप्ततेने भरलेल्या भेटींमुळे “पडद्यामागे काहीतरी मोठं शिजतंय” असा अंदाज बळावत चालला आहे.

राजकीय पडद्यामागे काय सुरु आहे का?

काही महत्त्वाचे विधेयक संसदेत मांडले जाणार आहेत का?

बिहार SIR प्रकरणावर कठोर भूमिका घेण्याचा निर्णय आहे का?

केंद्रीय मंत्रिमंडळात मोठे फेरबदल होणार आहे का?

उपराष्ट्रपती पदावर संभाव्य बदल?

संपूर्ण देशाचं लक्ष आता पंतप्रधान कार्यालय आणि राष्ट्रपती भवनाकडे लागलं आहे. या घटनांच्या पुढील टप्प्यांकडे सगळ्यांचे लक्ष लागून आहे. पुढील 48 तास राजकीय दृष्टिकोनातून निर्णायक ठरण्याची शक्यता आहे.